Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye.

HPGyî vat: ''Dewleta tirke ya qirkera kolonyalîste û artêşa ci ya îşxalkere bi hewayêkê sîstematîkî hêrişê dewan û cayê roniştişî yê Başûrê Kurdîstanî kenê. Dewê Dergelê, Mîska û Bazê yê Metîna û dewê Sergelê, Belavê, Guherzê, Berçiya, Mijê û Spîndarê yê Amêdîye hetê dewleta tirke ra dîyenê bombayan ver û netîceya bombardumanî de şewatî vejîyenê. Dewleta tirke ya ke tarîxê nizdî de Vakurê Kurdîstanî de bi hezaran dewî vêşnayî, wazena wîna qeyde dewanê Başûrê Kurdîstanî zî bikero veng. Dewleta tirke kena ke şarê herême erdî cira vejo, herême bikero bêînsan û bi temamî îşxal bikero.''

HPGyî derheqê çalakîyanê gerîlayan û hêrişê artêşa tirke ya îşxalkere de zî nê vatî:

''Herêma Şehîd Delîlî ya Rojawanê Zapî;

5 temmuze de Warê Xoverdayîşî yê Girê Cûdîyî de  hetê hêzanê ma yê YJA Starî ra di çalakîyî ameyî kerdene. Çalakîyan de dronêkê artêşa tirke bi çekanê ferdîyan ame wardayene û destsernayene.

5 û 6ê temmuze de Warê Xoverdayîşî yê Girê Amêdîye de îşxalkerî di reyî ameyî pirodayene. Çalakîyan de mewzîyêke ameye derbkerdene.

5 û 7ê temmuze de Warê Xoverdayîşî yê Girê Baharî de  helîkoperanê ke waşt herême de leşkeran ronê, înan rê mudaxale ame kerdene û helîkopterî peyser agêrayî.

6ê temmuze de Warê Xoverdayîşî yê Girê Baharî de û 7ê temmuze de Warê Xoverdayîşî yê Sergelê de  îşxalkerî pê çekanê giranan ameyî pirodayene.

Hêrişê bi çekanê qedexeyan;

5 û 6 ê temmuze de tunelê ma yê Warê Xoverdayîşî Girê FMyî yê Herêma Şehîd Delîlî ya Rojawanê Zapî bi teqaberanê qedexeyan dîyayî  bombayan ver.''

Bombarduman;

5 û 6 ê temmuze de de Warê Xoverdayîşî yê Girê Baharî yê Herêma Şehîd Delîlî ya Rojawanê Zapî, warê Kolîtî yê herêma Xakurkê, Girê Zengil û Zêvkê yê herêma Garê  5 reyî pê teyarayanê şerî dîyayî bombayan ver.

6ê temmuze de herêma Xakurkê pê helîkopteranê hêrişî dîyaye bombayan ver.''