Gerîla Sêale Orkêş şaristanê Amudê ya Rojawanî de dadîya xo ra bena û hêrişanê vera şarê kurdî ra dima tewra Têgêrayîşê Azadîye yê Kurdîstanî bena.

Sêale ana ziwan ke verî ke a tewra gerîlayan bîye zaf nakokîyî antî û vana: ''Ez ganî senî yew cuye biciwîyayêne, no pers tim mezgê mi debi. La felsefeya Rayber Apoyî cuya ke ez wazena biciwîya mojnaye mi. wexto ke ez fikranê Rayber Apoyî musaya mi bire daye ke tewra gerîlayan biba. Tewrbîyayîşê mi esasê xelisîyayîşê şarê kurdî bi. La dima armancê mi bîyî zêdêr. Mi perwerdeyê gerîlayan de dî ke zaf şarî bindest ê. Merdimî fam kenê ke tîya de seba pêrp şaranê bindestan têkoşîn kenê. Coka ganî ma sere de şarê kurdî pêro şaranê bindestan feslesefeya Rayber Apoyî reyde bîyarê têhet.''

Gerîla Sêale Orkêş îfade kena ke a wazena seba cinîyan zî çîyêk bikera û wina dewam kena: ''Ez sey cinîyêke wazena ke dinya de dejanê pêro cinîyan biqedîna. Wazena ke hîs û fikrê cinîyan bêrê dîyene çunke cinîyî fikranê komelî kenê pîl. Ganî komel pê cinîyan biheso û bizano ke cinîyî senî yenê na dinya û senî ciwîyenê. Ganî pêro cinîyî xeyalanê xo bîyarê ca. Eke ma têkoşîn xo dewam bikerê resenê nê armancê xo. ''

Gerîla Sêale Orkêş qiseykerdişê xo wina qedînena: ''Seba ke domanê nê erdî bi hawayêkê azadî biciwîyê ma tewrê têkoşînî bibê. Ez venga ciwananê Rojhelatî dana ke xebatanê Rayber Apoyî de ca bigêrê û cuyêka kole qebul mekerê. No wezîfeyê pêro kurdan o.''