Meclîsê Cinîyan ê HDPyî derheqê operasyonanê qirkerdişanê sîyasîyan ê Anqara û Mersînî de ewro beyanatêko nuştekî weşana û nê pare kerdî:

"Ewro Anqara û Mersîn de operasyonanê qirkerdişanê sîyasî de îdarekarê ma yê verênî yê rêxistina Anqara Derya Bekir, Ayşe Merve û îdarekara ma ya rêxistina Çankaya Hanime Bînîcî, endama Meclîsê Cinîyan Meryeme Kîraz, endama DADî Sevgî Sazan Kîşîn û xebatkara KESKî Newroze Kirkaya ameyî destbendkerdene. Medyaya AKPyî vera meclîsê cinîyan ê HDPyî û TJA kampanyaya reşkerdişî kena. AKPyo ke dişmenîya cinîyan kena, her ca de hêrişê cinîyan keno. Roja Têkoşîn û Yewbîyayîşî ya vera Şîdetî ra ver cinîyan ser o operasyonî yenê kerdene. Ma zanenê ke îqtîdar rêxistinan û hêzê cinîyan ra terseno. La ganî îqtîdarê AKP-MHPyî bizano ke ma sey cinîyan sîyasetî ra do fek vera nêdê."