PAJK: Bi rêxistinbîyayîş û xopawitişê cinîyan do azadîye bêro qezenckerdene. Nê bingeyî de ganî her roje sey roja vera şidetî bigêrîyo dest û seba amacanê hemperan rêxistinbîyayîş bêro xurtkerdene.
Koordînasyonê PAJKî bi wesîleya 25ê Teşrîna peyêne eşekrayîyêka nuştekîye daye û nê pare kerdî:
AWANKERDIŞÊ CUYA ALTERNATÎFE WEZÎFEYÊ MA YO
‘‘Koyanê kurdîstan de mucadeleyê azadîye yê cinîyan hemverê şidetê camêrd û sîstemê kapîtalîstî de bi girdbîyayîşî dewam keno. Hemverê qezencanê cinîyan û cinîya azade de her hetî ra zaf hêrişî estî. Vera kulturê tecawuzî awankerdişê cuya alternatîfe wezîfeyê ma yo.
HÊRIŞÊ BISÎSTEMÎ YENÎ KERDENE
Sîstem wazeno ke cinîya kurde ra, ya ke Rojakewtena Mîyanêne de rayberîye kena û bi xoverdayîşê xo faşîzmî ra hesab persena, qesas bigêro. Coka cinîyan ê kurdan rê bisîstem hêriş kenî. Serdestî azadîya cinîyan û heme dinya de vilabîyayîşê xoverdîyîşê ma ra tersênî. Coka hîna zaf hêrişê ma kenî.
HEDEFÊ HÊRIŞAN DE RAYBER APO ESTO
Rayber Apoyo ke Rojakewtena Mîyanêne de xoverdayîş awan kerd û ronayoxê sîstemê alternatîfî yo hedefê nê hêrişan de yo. Mîlîtanê azadîya cinîyan û şerwanê ci yo tewr pîl Rayberîye ser o seba girewtişê qesasî tecrîdê giranî danê domnayene. Heta ke Rayberîye azad mebo cuyeya azade mumkun nîya. Coka seba Rayberîye berzkerkerdişê mucadeleyî şertê ma yo esas o.
HESABÊ QETLÎAMÎ DO BÊRO PERSAYENE
Edogano ke bi vatişê ‘cinî bê zî, domanî bê zî çi ke hewce yo ganî bêro kerdene‘ eşkera eşkera emrê qirkerdişanê Kurdîstanî da, tena Vakur de nê heme perçeyanê Kurdîstanî serê hêriş keno. Wazeno ke alternatîfê cuya azade bifetisno. Ewro Efrîn de sey yê Şengalî qirkerdişêk esto. Her roje bi desan cinîyî yenê remnayene û raştê tecawuz û şidetî yenî. Naye ra Erdogan mesuldar o û ganî hesabê nînan bêro persayene. Wextê hukmatê Erdoganî de hêrişê serê cinîyan dilab-hîrlab zêdîya. Do cinîyî dîktatorîya Erdoganî birijnî. Rayberîye cinîyan de do şorişê ma bibo peynîya faşîzmê Erdoganî.‘‘
Eşkerayî bi nê vatişan qedîyaye:
‘‘Seba amacanê ma yê hemparî ma birêxistin bibê, hemverê camêrd-dewlete de şer bikerê û azadîya xo qezenc bikerê. Bi wesîleya na roje ma sere de cinîyanê Efrînijan, xoverdayoxê zîndanan û heme cinîyanê ke meydanan de mucadele kenî silam kenî. Azadîye do bi mucedeleyo hempar ê cinîyan bireso. Seserra 21. do bibo seserra demokrasî û dewrê cinîyan‘‘
