Koordînasyonê KJKyî derheqê endama Komîteya Merkezê PKKyî û Konseya Komûta ya HPG û YJA Starî Armanc Goşkare ya ke par şewhîd kewtebî, de eşkerayîyêka nuştekîye daye.

Eşkerayîye ra tayî cayî wina yê:

‘‘Endama Komîteya Merkezê PKKyî û Konseya Komûta ya HPG û YJA Starî Armanc Goşkare 3ê Temmuze ya 2018î de tewrê kerwanê şehîdan bîye. Ma sey Têgêrayîşê Cinîyî endama îdareyî ya erjaya ya ke herinda ci do mero dekerdene şehîd daye. Ma merdimanê ci û şarê xo rê serweşîye wazenê û sozê bicaardişê waştişanê şehîdan danê.

XÊZA CINÎYA AZADE RA ÇIREY TAWÎZ NÊDA

Hemraya Armanc Mûş de ameye dinya û gama ke Unîversîte de wendêne mucedeleyê şorişgêrî vîjnêna û tewrê sefanê gerîlayî bena. Sehaya Rayberîye de perwerde vînêna û kesîya xo newe ra afernêna. Bi serran xeylî cayanê Wareyanê Pawitişî yê Medya de gerîlatîye kena. Dima ra Zagros û Botan de fermandarîya eyaletî kena û averberdişê fermandarîya cinîyan rê rayberîye kena. Reyna Ewropa xebetanê çapemenî û komelî de ca gêna û wezîfeyanê xo serkewtişî bica ana. Her berpirsîyarîya ke girewtêne xo ser Xêza Cinîya Azade esas girwtêne û naye ra çirey tawîz nêdayo. Ma tena yew fermandare, îdarekare û emegdara girde nê, heman wextî de yew şorişgêra xêze vînî kerde. Kesîya cinîya azade ke Rayber Apo waştêne biresne, aver bêre, embaza Armance na kesîya xo de bi zanayîşo gird û emegî aferna. Bi vindertişê xo yê azadîye tarîxê mucadeleyê azadîya cinîyan ê ma de cayê xo girewte.‘‘