Fermandarîya Qerargahê Merkezê Pawitişî yê Şarî derheqê Sûna Kizilkaya ( Armanc Goşkare) ya ke 3ê Temmuze ya 2018î de  hêrişê Wareyanê Pawitişî yê Medya de şehîd kewta de eşkerayîyêka nuştekîye daye.

Eşkerayîya Fermandarîya Qerargahî de ca dîya nînan:

‘‘Embaza ma Armanc Goşkare ke endama Komîteya Merkezê PKKyî û heman wextî de endama Konseya Komûta ya HPG û YJA Starî û kadroyanê ma yê rayberan ra yewe bî  ma bi  hurmet anê vîrî.

Embaza ma Armanc Goşkare ke herra Kurdistanî de keyeyêko welatperwerî de bîya pile, heta nenfesê xo yê peyên  mucadeleyê azadîye de game erjaye eştî. Bi kesîya xo ya cigêrayedare û rûhê serewedartişî koyanê azadîye yê Kurdistanî de bîye wayîrê rayraşîyayîşekê şorişgêrî yo bihêz û serkewteyî.

Embaza ma Armanc Goşkare koyanê Kurdistanî de mucadeleyê gerîlatîye bi zanayîşê azadîye yo gird û heskerdiş  rayra berd.  Goşkare ke mucadeleyê gerîlatîya ci Zagrosan de dest pêkerd, bi lez averşîyayîş bîye fermandare û Zagros û Botan de fermandarîya seha kerde.

Embaza Armance çapemenîya ma de zî berpirsîyarîye muhîme girewte xo ser û bi serkewtiş bica arde. Ewropa ra heta Botanî xeylî cayan de xeta Rayber Apo de xebatê muhîmî kerdî û emego gird da.

Embaza ma Armance rayberanê têgêrayîşê cinîyan û heman wextî de sey  yewe fermandara raybere ya Artêşa Cinîya Azade ya Kurdistanî ra mucadeleyê ma de rêç verdayo.

Ma sere de keyeyê Kizilkaya heme şarê welatperwerî yê Kurdistanî rê serweşîye wazenê. Şexsê embaza Armance de şehîdanê xo yê qehremanan rê reyna sozê xo newe kenê ke ma do waştişanê înan bica bîyarê''

Nasnameyê  Kizilkaya wina yo:

Nameyê Qodî: Armanc Goşkare

Name Peyname: Sûna Kizilkaya

Cayê Biyayîşî: Mûş

Maye-Pî:  Nazîfe - Huseyîn

Tarîx û Cayê Şehadetî: 3ê Temmuz ya 2018î / Wareyê Pawitişî yê Medya