Vizêr Şingal de bi sernameyê 'Cinîye û Pawitişî' hetê TAJÊ ra komxebata cinîyan ameye kerdene.

Komxebate de semînerê verênî de Fermandara YJŞyî Hêza Şingalî qisey kerd û vat: ''Fermanê 3yê tebaxe de îradeyê cinîyan ê êzidîyan amebi hedefkerdene. Komelê ma hetê tay hêzan ra o çax bêpawitiş verdîyabi. La vengdayîşê Rayber Apoyî ser o gerîla û şerwanan Şingal azad kerd. Ganî ma dejo ke 2014 de anto bivurnê hêz û zanayîşî. Kam hêrişê bawerîya ma bikero ma do bi pîlkerdişê rêxistinîya xo cewab bidê ci. Ewro YJŞ vera DAÎŞî, PDK û dewleta tirke xo ver dano.''

Hêza ra dima nameyê cinîyan ê ereban ser o Fatîme Mistefa qisey kerd û pare kerd ke PDK wazeno komelê êzidîyan bixapîno. Fatîme vat: ''Cinîyê êzidî û erebî ganî vera hêrişan yew bibê û hem xo hem zî welatê xo bipawê.''

Endama Komîteya Dîplomasî ya TAJÊ Ferîde Şengalî ard ziwan ke şarê Şingalî ganî hetê Asayîşê Zereyî û YJŞyî de xo bipawo û verê fermanan bigêro.

Komxebate de tewr peyêne Hemserekê Meclîsê Xoserîya Demokratîje ya Şingalî Cîhane Cîlo qisey kerd û vat: ''Hêz û îradeyê cinîyan est o ke heqê pêro hêriş û fermanan ra bêro. Ma do xoserîya Şingalî bi têkoşîn û xoverdayîşî bîyarê ca. Ewro ma xêrê fikranê Rayber Apoyî ra eşkenê tîya de kom bibê. Coka ma xelisîyayîşê Şingalî û na komxebate dîyarîya Rayber Apoyî, şehîdan, şarê ma û cinîyan kenê.''

Qiseykerdişan ra dima sloganê sey ‘Jin jiyan Azadî’ û ‘Bijî Rêber Apo’ ameyî berzkerdene û govende ameye girewtene.