Dîwanê Hemserekîya KONGRA-GELî bi eşkerayîyêka nuştekîye serkêşanê têgêrayîşê azadîye yê cinîyan ra Raberîne Amed a ke 17ê hezîrana  2022yî de Amed de şehîd bîye serrgêra ci ya 2. de yad kerd û  nê vatî:

''Hemraya ma Rarerîne Amed sey endama PKK û PAJKî  30 serrî çar leteyanê Kurdîstanî de têkoşîn kerd. Sey wezîfeyê peyênî hetkarîya Hemserekanê KONGRE-GELî kerd. Xebatanê ronayîşê komelkî rê serkêşîye kerde û keda pîle daye. Ma zî sey Dîwanê Hemserekîye yê  KONGRA- GELî do tewirê afirnayoxî yê embaza Raperîne xebatanê roniştişê komelkî esas bîgêrê.

Nê prosesî de ke kampanyaya Rayber Apoyî rê azadîye, meseleya kurdan rê çareserîya sîyase û xebatê ronayîşê komelkî rojdem de yê, çînbîyayîşê embaze  Raperîne Amed semedê ma zaf vînîbîyayîşo gird o. Ma ye bi hurmetî yad kenê. Xebatê aye ke nîmcet mendê sey waştişê ci temamkerdiş wezîfeyê ma yo.

Ma sey têgêrayîşê azadîye û şarî sere de embaze Raperîne heme şehîdan rê sozê xo newe kenê. Ma do bi ronayîşê sîstemê komelkî yê demokratîkî paradîgmaya azadîye bîyarê ca û çarçewaya azadkerdişê Rayber Apo û şarê ma de waştişê şehîdanê xo bîyarê ca. Bi nê têkoşînê ke tarîx de nêameyo vînayene, şertê serkewtişê nê ameyî caardene. Ma do bi nê zanayîş û berpirsîyarîye şehîdanê xo rê û tarîxî rê bibê cewab.''