Kombîyayîşo serrane yê Rêxistina Kongreya Starî ya Rojawanî pê eşkerakerdişê plansazîya emserîne qedîya.

Kombîyayîş bi şîarê ''Têkoşîn bikerê, teda û îşxalî çin bikerê'' Merkezê Kultur û Hunerî yê Aram Tîgranî yê Qamişloyî de ame kerdene. 300 endamê kongre tewrê kombîyayîşî bîyî.

Plansazîya serra newîye ya Kongreya Starî wina ya:

''-Ganî Rayber Ocalan bêro pawitene, asta têkoşînê seba azadîya ci bêro berzkerdene û ganî fikrê rayberîye bibo bingeyê rêxistina cinîyan.

-Vera hişmendîya seksîste şer bêro kerdene û cuya hempare bêra ronayene.

-Seba azadkerdişê Serêkanîyê, Efrîn û Girê Sipî asta têkoşîn û xoverdayîşî bêra berzkerdene.

-Komîteyê huqûqnasan û sîyasetmedaran a Kongreya Starî wa bêra birêxistinkerdene.

-Ganî Kongreya Starî, Têgêrayîşê Hîlal Zerîne û Jineolojî kultur û ziwanê kurdkî bipawê.

-Hûmara kooperatîfanê cinîyan wa bêra zêdenayene.''