Hetê Kongreya Starî ra çarçiwaya 25ê Teşrîna peyêne Roja Mucadeleyê Şidetê Hemverê Cinîyan a Dinya de xeylî merkezan de kombîyayîş û semînerî ameyî viraştene.

Heleb

Semtê Şêxmeqsûdî yê Helebî de çarçiwaya çalakîyanê 25ê Teşrîna peyêne de mehlaya Rojava de kombîyayîş virazîya. Kombîyayîş de xeylî endamanê sazîyan û temsîlkaranê partîyanê sîyasîyan ca girewt. Îdarekaranê Kongreya Starî ra Nehla Mustafaye ercnayîşê Rayberê Şarê Kurdî Abdullah Ocalanî yê derheqê rolê cinî yê mîyanê komelî de seba goşdaran bi erebkî û kurdkî wendî. Dimayê wendişî ra ramojîyayîşê sînevîzyonî ame kerdene.  

Qamişlo

Hetê Kongreya Starî ra dewanê Bana Qesrê û Robarya yê şaristanê Dêrikî ke pabesteyê kantonê Qamişlo yo di kombîyayîşê cîyayî ameyî viraştene.

Bajarekanê qezaya Til Hemîsî Til Ehmed û Ebû Cern de zî bi slogana ‘Ma do bi îradeyê azadî yê cinî îşxalî bişiknê’ kombîyayîşî ameyî viraştene. Vervatoxa Meclîsê Cinîyan ê Sûrîye ya Kantonê Qamişloyî Hêva Mehmûda ke her di kombîyayîşan de zî qisey kerd vat ke şeranê ewroyênan de tewr zaf cinîyî raştê qirkerdiş û zulmî yenê.

Hetêna ra Kongreya Starî û Koordînasyonê Cinî yê Îdareyê Xoserî yê Demokratîkî Merkezê Kultur û Hunerî yê Mihemed Şêxoyî de semînerêk organîze kerd. Xeylî cinîyê Qamişloyijî tewrê semînerî bî.

Şam

Mehlaya Zorava ya Şamî de çarçiwaya çalakîyanê 25ê Teşrîna peyêne de kombîyayîşêk ame viraştene. Xeylî kesî tewrê kombîyayîşî bî.

Kombîyayîş de babeta tarîxê şidetî yê hemverê cinîyan ser o ame vindertene. Peynîya kombîyayîşî de belgefîlmêk ke derheqê şidetê hemverê cinîyan de bi temaşekaran rê dîya sêrkerdene.