Têgêrayîşê Cinîyan ê Azadan (TJA) seba sîyasetmedaranê kurdan Sebahate Tuncel û Gultene Kişanak medyaya komelkîye de dest pê kampanyayêka paştdayîşî keno.

Dima ke cezayê Hemsereka Verêne ya DBPyî Sebahate Tuncel û Hemşaredara Verêne ya Amedî Gultene Kişanak ameyî xerakerdene her di sîyasetmedarî zî newe ra yenî hukmkerdene.

Roniştişê destpêkî yê her di sîyasetmedaran do roja dişemeyî Mehkema Cezaya Girane ya Meletî de bêrê kerdene. TJA do saete 10:00 de wextê destpêkerdişê roniştişî de twîtter de  heştegê ''#GultanVeSabahataOzgurluk'' abikera û dest pê kampanyaya paştdayîşî bikera.