Paytextê Awusturya Viyana de aktîvîstanê Cinîyan ê Ciwanan ê Têkoşeran (TekoJIN) û Cinîyan ê Wendekaran ê Kurdîstanî (JXK) seba ke bale biancê tecrîdê giranî yê serê Rayberê Şarê Kurdî Abdullah Ocalanî çalakîyêke kerde.

Aktîvîstan Unîversîteya Viyane de derheqê felsefeya Ocalanî û şertenê Îmraliyî de vilawekî vila kerdî. Aktîvîstan da zaneyene ke heta azadîya Abdullah Ocalanî do çalakîyê înan dewam bikerê. Ciwanan azadîya Ocalanî sey azadîya şaran name kerd û vat ê sey cinîyan ê ciwanan tecrîdî qebul nêkenê û veng da ke semedê azadîya fîzîkîye ya Abdullah Ocalanî wa têkoşîn bêro pîlkerdene.