Îdareyê Meclîsê Cinîyan ê Vakur û Rojakewtena Sûrîye seba awankerdişê Wezîrîya Cinîyan merkezê pêroyî yê Meclîsê Sûrîyeya Demokratîke yê Eyn Îsa de kom bîyî.

Kombîyayîşo ke bajaranê  Cizîrê, Reqa, Kobanê, Efrîn, Minbic, Dêra Zor û Girê Spî ra temsîlkarî tewrê ci bîyî serekîya hemsereka Meclîsê Rayberdişî yê Vakur û Rojakewtena Sûrîye Berîvan Xalide de yeno viraştene.

Yeno plankerdene ke hetê Îdareyê Meclîsê Cinîyan ê Vakur û Rojakewtena Sûrîye ra seba ronayîşê wezîrîye û hadrekerdişê nîzamnameyê ci 7 kesan ra komîteyêk bêro raameyene.