Darbeya sîyasî ya AKP-MHPyî ya vera HDPyî destsernayîşê şaredarîyan û hêrişanê vera Başûrê Kurdîstanî şaristananê Ewropa de ameyî protestokerdene.

Bremen

Çalakîye de vilawekî ameyî vilakerdene û veng ame dayene ke ganî hêrişê vera dezgeh û kesanê muxalîfan bêrê vindartene. Temsîlkarê xeylêk dezgehanê Ewropa zî tewrê çalakîye bîyî.

Stuttgart

Çalakîya vera darbeya AKP-MHPyî ya Stuttgartî de posterê Endamê Komîteya Merkezî ya PKKyî Kasim Engîno ke hêrişê hewayî de şehîd bi û posterê Bariş Çakanî ameyî kiriştene. Bi hezaran kesî tewrê çalakîye bîyî.

Viyana

Çalakîya Viyana de darbeya sîyasî ya AKP-MHPyî ya vera HDPyî, destsernayîşê şaredarîyan û hêrişê vera Başûrê Kurdîstanî ameyî şermezarkerdene.

Marsilya

Çalakîya şaristanê Marsilya yê Fransa de hêrişê dewleta tirkî ameyî protestokerdene. Çalakîye de alaya PKK, YPG, YPJ, TJK-F û TCŞyî ameyî berzkerdene. Hetê bînî Kasim Engîn zî ame yadkerdene.

Den Haag

Çalakîkerî verê Parlamentoya Hollanda de ameyî têhet û înan hêrişê dewleta tirke ya îşxalkere protesto kerdî.

Toulouse

Şaristanê Toulouse yê Fransa de çalakîya vera darbeya AKP-MHPyî ya serê HDPyî de vilawekî ameyî wendene û sloganî ameyî eştene.

Strasbourg

Şaristanê Strasbourgî yê Fransa de zî pê tewrbîyayîşê xeylêk kesan darbeya sîyasî ya AKP-MHPyî ameye protestokerdene. Çalakîye de sere de Kasim Engîn pêro şehîdê menga gulane ameyî yadkerdene.

Limassol

Çalakîya şaristanê Limassolî yê Kibrisî  de darbeya sîyasî ya AKP-MHPyî ya vera HDPyî, destsernayîşê şaredarîyan û hêrişê vera Başûrê Kurdîstanî ameyî şermezarkerdene. Çalakîye de veng ame dayene ke ganî kurdî yewîya xo bîyarê ca.