Almanya û Hollanda de tecrîd ame şermezarkerdene
Bajaranê Frankfurt û Munîhî yê Almanya û bajarê Den Haagî yê Hollanda de tecrîdê serê Rayberê Şarê Kurdî Abdullah Ocalanî ame şermezarkerdene û xoverdayîşê grevê vêşanîye ame silamkerdene.
Bajaranê Frankfurt û Munîhî yê Almanya û bajarê Den Haagî yê Hollanda de tecrîdê serê Rayberê Şarê Kurdî Abdullah Ocalanî ame şermezarkerdene û xoverdayîşê grevê vêşanîye ame silamkerdene.
Ewropa de çalakîyê paştdayîşê grevê vêşanîye yê ke semedê wedartişê tecrîdê sere Rayberê Şarê Kurdî Abdullah Ocalanî yenê viraştene dewam kenê.
Frankfurt
Bajarê Frankfurtî yê Almanya de rayberîya Meclîsê Cinîyan ê Sara û Nujîne de çaakîyêk ameye organîzekerdene. Çalakgeran derheqê tecrîdî û grevê vêşanîye de xeylî vilawekî vila kerdî û bêvengîya Ewropa şermezar kerde.
Munîh
Bajarê Muhînî yê Amanya de zî bi çalakîyêk paştî dîyaye xoverdayîşê grevê vêşanîye û rojeyê mergî. Çalakîya ke Komunê Cinîyan ê Sara organîze kerde xeylî kesî tewrê ci bîyî. Vernîya şaredarîya Munîhî de stand ame akerdene û derheqê grevê vêşanîye yê ke rayberîya Leyla Guvene de dest pêkerd û bi aşman o yenê domnayene de zanayîş dîya.
Den Haag
Bajarê Den Haagî yê Hollanda de zî Kurdistanijî û dostê înan kuçeyan de bî. Platformê Vera Tecrîdî Cuye vernîya parlamentoyê Hollanda de çalakîyêk organîze kerde. Çalakqeran derheqê rewşa xoverdayoxan de zanayîş da û waşt ke dezgehê Ewropa cade wezîfeyê xo bica bîyarê.