Ataş Mazgêrd de ame definkerdene

Hasan Ataşo ke 2ê hezîrane de pêkewtişêkê Pulurî yê Dêrsimî de şehîd bibi rixmê astengkerdişan Mazgêrd de ame definkerdene.

Cenazaya gerîlayê TÎKKO/TKP-ML Hasan Ataşî (Şerzan)o ke şerêkê qezaya Pulurî ya Dêrsimî de şehîd bibi bi merasîmêk Mazgêrd de ameye definkerdene.

Bado ke cenazaya Ataşî Dezgehê Tibê Edlîyî yê Meletî ra ameye girewtene ameye berdenê Dêrsim la raştê astnkerdişan ameyebî. Dima ra merkezê Mazgêrdî de cemxane de merasîmêk ame kerdene û cenaza Ataşî ke bi qumaşê sûrî ameyî piştene dewa ci Pulhanî de ameye definkerdene.

Wekîla HDPyî Dilşate Canbazî  vera qedexekerdişê cenaza hêrsê xo ard ziwan û vat  na rewşêka  merdimî û vîjdanî ya tewirê walîyî yê vera cenaza nîno qebûlkerdene.

Wendoxanê Partîzanî zî Şubeyê Dêrsimî yê ÎHDyî de eşkerayîyêke daye û nêrazîbîyayîş ramojna. Eşkerayîye de nê ameyî: ''Dozgerîye, Qaymeqamîya Mazgêrdî û qereqolê dewa Pulhanî keyeyê Ataşî rê telefon kerd û ê tehdît kerdî. Seba ke tewrbîyayîşê cenaza bêro astengkerdene 4ê hezîrane de Mazgêrd gerîya binê ablûqa û dekwtişê ci bi qedexe. Rixmê naye hemrayanê ma qedexeyê înan pûç vetî û xo resna cenaza. Demo peyên de vera cenazayan û goran hêrişî zêdîyayî. Çewlîg, Amed, Mûş û Şirnex de  bi seyan goran rê hêriş ame kerdene. Ewro hêrişê vera cenazaya hemra Ataşî zî dewamê nê hêrşan o. La ê se kenê wa bikerê do meşekê vernîya hêrsê bianorî yê qet şarêkî bîgêrê.''