Bi beşdarîya akademîsyen, roşnvîr, nuştox û sîyasetmedaran Roja Haştîye ya Dinya ya 1ê Êlule de paytextê Almanya Berlin de Konferansê Haştîye û Demokrasîyî bi şîarê ''Ma do ameyoxê xo awan bikerê' do bêro kerdene.

Akademîsyen Dr. Hakan Altunî derheqê konferansî de ANFyî rê qisey kerd.

Dr. Hakan Altunî pare kerd ke dinya de her ca de şerî, rijîyayîşî û qirkerdişî dewam kenê û vat: ''Ma ê merdim ê ke koyan ra vejîyayê û derya de resayê pê. Ma rê temaşekerdişê asmênî lazim o. Ma pîya û bi qerardarî ewnîyenê asmênî ra. Forumê Haştîye û Azadîye yê Ewropa (EFFP) seba temaşekerdişê asmênî awan bi. Çîyo ke ma serê ci de ameyê pêser armancê awankerdişê haştîye yo. Ma seba ney veng danê. Serdestî adir verdenê dinya. Ma zî vanê ke kom bibê, adir hewna bikerê û haştîye awan bikerê.''

Hakan Altunî dewamê qiseykerdişê xo de bale ante amadekarîyanê konferansî ser û vat: ''Ma konferansî ra ver komxebatî kerdî. Nînan ra yewe derheqê tecrîdê vera Abdullah Ocalanî de bîye. Beşdaranê komxebate tecrîd bi hawayêkê hîrayî ercna. Her çî ra ver girîng o ke hemsengîya çewte ya mabênê tecrîd û demokrasîyî ganî bêra famkerdene. Esîrkerdişê huqûqîyî û polîtîkayê îzolasyonî vurîyayê îmhakerdişî û her cayê dinya de demokrasîyî asteng kenê. Seba na mesele ganî rayîr û metodê neweyî bêrê peydakerdene.''

Hakan Altunî pêşnîyaz kerd ke kesê ke Berlin de nîyê eşkenê bi nê lînkî konferansî temaşe bikerê:

https://www.youtube.com/@EffpPeaceForum

www.forumforpeace.eu