Endamê Rayberdişî yê KCK’yî û Koordînasyonê Êzidîyan Mam Zekî Şengalî yo ke 15’ê Tebax a 2018’î de hêrişê hewayî yê Şengalî de amebi qetilkerdene bi wesîleya serrgêra şehadetê ci ya verêne Berlîn de ame vîrardene.
Paytextê Almanya Berlîn de Nav-Yek, Têgêrayîşê Cinîyan ê Ciwanan, Meclîsê Cinîyan ê DEST-DAN’î û Cimatê Kurdistanijanê Azadan ê Berlînî semedê vîrartişê Mam Zekî Şengalîyî atkvîteyêk organîze kerde.
Qiseykerdişan de ame vatene ke bi qetilkerdişê Mam Zekîyî cimatê Êzidîyan ame hedef girewtene. Zozan Serhat a ke bi nameyê TJK-E qisey kerd vat bi sebebo ke qirkerdişê Şengalî de ser nêkewtî, hêrişê Mam Zekîyî kerd. La ê se kene wa bikerê rixmê heme hêrişan Êdizî do verê înan de çok medê û bi xoverdayîş waştişanê Mam Zekîyî biresnê serfirazîye.
