Polîsanê Norweçî eşkera kerd ke domanê bi nameyê Artînî wexto ke keyeyê xo reyde Fransa ra şîyêne Îngilîstanî keştîye cûmê awe bîye û doman vînî bi. Xebata cigêrayîşî de cenazayê endaman ê bînan ê keyeyî Rasol Îran-Nejad (35), Shîva Mohammed Panahî (35) û zarokên wan Anîta (9), Armîn (6) dîyayî ke keye şaristanê Serdeştî yê Rojhelatê Kurdîstanî ra yo. La cenazaya Artînî nêdîyabî.

Polîsanê Norweçî da zanayene ke cenaza nêzdîyê Karmoyî de qeraqê welatî de hetê di karmendan ra destpêkê serre de dîyaye. Netîceya testê DNA de eşkera bi ke cenaza yê Artînî ya. Cenazaya Artînî erşawîyaye Serdeştî.