Darmstadt û Mannheim de tecrîd ame şermezarkerdene
Bajaranê Darmstadt û Mannheimî yê Almanya de tecrîdê serê Rayberê Şarê Kurdî Abdullah Ocalanî ame şermezarkerdene azadîya ci ameye waştene.
Bajaranê Darmstadt û Mannheimî yê Almanya de tecrîdê serê Rayberê Şarê Kurdî Abdullah Ocalanî ame şermezarkerdene azadîya ci ameye waştene.
Çalakîyê vera tecrîdê serê Rayberê Şarê Kurdî Abdullah Ocalanî dewam kenê. Bajaranê Darmstadt û Mannheimî yê Almanya de kurdîstanijî û dostê înan reyna kuçeyan de bî.
Darmsstadt de kurdîstanijê ke her hewtê semedê azadîya fîzîkîye ya Abdullah Ocalanî mîtîng de yenê têhet vera tecrîdê 22 serran hersê xo ard ziwan û mesajê xurtkerdişê têkşînî dayî. Çalakîye de hêrişê vera HDPyî zî ameyî şermezarkdene û paştî dîyaye HDPyî.
Çalakîye bi slogananê ''Biciwîyo Rayber Apo'' û ''Biciwîyo xoverdayîşê HDPyî'' qedîyaye.
Bi eynî waştişî Mannheim de zî kurdî û dostê înan meydanan de bî. Polîsanê almanî bi sebebê asayîşî û beyraq û rengê ke ameyî kiriştene astengîye vete. Şarî vera nayî hersê xo ard ziwan. Çalakîye de ame vatene ke Almanya û Ewropa çeke roşenê Tirkîya û pê nê çekan kurdî yenê qetilkerdene. Çalakwanan vat kam/e se vano wa vajo, se keno wa bikero ê do heta azadîye Abdullah Ocalanî çalakîyan de bê.
Çalakîye bi slogananê ''Biciwîyo Rayber Apo'', ''Bê Serekî cuye nêbeno'', ''Bimiro faşîzm'' qedîyaye.