Bi wesîleya Roja Kobanê ya Dinya bi serkêşîya keşîş Bill crewsî dêrê "Uniting Church of Australia" yê şaristanê Sydneyî yê Avusturalya de şayîyêka manadare ameye kerdene.

Aktîvîte de Crewsî bale ante têkoşînê kurdan ê vera DAÎŞî û sîstemê hemserekîye ser.  Keşîş Bill Crewsî şarê kurdî rê sipas kerd. Merkezê Komelê Demokratîkî yê Kurdan ser o Baran Sogutî qisey kerd û dîyar kerd ke Rojawan parçeyêkê federelîya demokratîje yo. Sogutî vist vîrî ke dewleta tirke ya îşxalkere hêrişê Rojawanî kena û herême de sûcanê şerî kena.

Aktîvîte bi deyîranê Hozan Xanemîrî qedîyaye.