Festîvala Fîlman a Kurdan a Hamburgî ya ke şaristanê Hamburgî yê Almanya de ameye serûberkerdene, vizêr qedîyaye. Festîvale 30ê teşrîna peyêne de dest pêkerdibî û çarçewa festîvale de zaf fîlmî amebî mojnayene.
Festîvale de 34 fîlmê dergî û kilmî û dokumanterî yê çar parçeyanê Kurdîstanî û yê teberî, mîyanê hewteyêkî de ameyî mojnayene.
Galaya fîlmê "Sister In Arms" o ke derheqê têkoşînê cinîyan ê Rojawanî de yo û promîyerê fîlmê "Berfîne" yo ke koyanê Kurdîstanî de ame amadekerdene, Festîvala Fîlman a Kurdan a Hamburgî de ameyî kerdene.Festîvala ke emser reya 10.e ameye serûberkerdene de rewşa sînemaya kurdan bi çar panelan ameye munaqeşekerdene. Zaf îdarekar û kaykerdoxê namdarî sey Fatîh Akin, Nazmî Kirik, Ekrem Heydo, Sahîm Omar Xalîfa, Kazim Oz, Azîz Çapkûrt, Bîlal Bûlût, Ahmet Irmak tewrê festîvale bîyî.
