Hamburg de ciwananê kurdan tecrîdê vera posterê Rayberê Şarê Kurdî Abdullah Ocalanî protesto kerd û Sînan Dêrsim yad kerd. Bern de zî Sînan Dêrsim ame yadkerdene.

Şaristanê Haamburgî yê Almanya de ciwanan seba yadkerdişê Sînan Dêrsimî (Dalokay Şanli) û protestoyê tecrîdê Îmraliyî çalakîyêke kerde. Çalakîye de posterê Rayberê Şarê Kurdî Abdullah Ocalanî û Sînan Dêrsimî kiriştî. Ciwanan da zanayene ke heta ke hêrişî biqedê û Ocalan azad bibo ê do meydanan de bibê. Çalakîye pê slogananê 'Biciwîyo Serek Apo', 'Biciwîyo PKK' qedîyaye.

Hetê bînî ra şaristanê Bernî yê Swîsre de zî KOMAW û Merkezê Komelê Demokratîkî yê Kurdan pê aktîvîteyêke Sînan Dêrsim yad kerd. Aktîvîte de cuye û têkoşînê Sînan Dêrsimî ser o qiseykerdişî ameyî kerdene û sînevîzyonêk ame mojnayene.