Tunelanê xoverdayîşî de gerîlayî Newroze fîraz kenê. Fermandaranê YJA Starî ra Peymane Amed zî bi wesîleya Roşanê Newroze ajansê ma rê qisey kerd.

Peymane Amed Newroza Rayber Apoyî, kurdan û pêro şaran fîraz kerde û vat: ‘’Newroza emserîne cîya bîye. Çunke Rayber Apoyî morê xo da binê Newroze ro. Hem hetê têkoşînî ra hem zî hetê sîyasî ra Newroza emserîne wayîra manayêka cîya bîya. Şarê ma pêro waran de bi slogananê serê komelê demokratîkî û azadîya Rayber Apoyî bi coşî Newroze fîraz kerde.

Şarê kurdî vejîya meydanan û ancî îsbat kerd ke şarê Newroze yo. Bêguman Newroze roşanê şaranê Rojhelatê Mîyanênî û Mezopotamya yo. Şa tewr zaf kurdî nê roşanî bi coşî fîraz kenê. Ewro şarê kurdî xeta Rayber Apoyî û PKKyî de şino. Sey gerîlayan ma zî seba serkewtişê nê prosesî xîret kenê.’’