Kurdistanijan 18’ê Gulan a 2018’î de seba hêrişanê dewleta Tirkî yê hemverê Şengalî şermezar bikerê, paytextê Almanya Berlîn de numayîşêk viraştibi. Dozgerîya Almanya semedo ke numayîşan de Kurdistanijan slogana “Biciwîyo Serek Apo” eşta û beyraqê YPG’yî kiriştê, dewa akerdebî.
Rixmê îdîaya dozgerîya ya slogan Kurdistanijan ê sey “Biciwîyo Serek Apo” qedexe yê zî, mehkema na slogane çarçewaya “azadîya fikirî” de ercnaye û qerarê beraatî da.
Endamê Konseya Rayberdişî ya KCK’yî û endamê Koordînasyonê Cimatê Êzidîyan Zekî Şengalî, 15’ê Tebax a 2018’î de netîceyê hêrişê dewleta Tirkî ya îşxalkare de amebi şehîdkerdene. Naye ser bi amacê şermezarkerdişê hêrişî, xeylî bajaranê Ewropa de rayraşîyayîşî ameybî kerdene û mîtîngî ameybî viraştene. Labelê dozgerîya Berlînî bi mazareto ke Kurdistanijan sloganê qedexeyî yê sey “Biciwîyo Serek Apo” eştbî û beyraqê YPG’yî kiriştîbî, di kesî qasê wextêkê tayî destbend kerdîbî.