Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 544. de dewam kena.

No hewte endamanê Kongreya Starî cinîyan ê rojawanijan Fadîla Mohamed, Yanîs Basîma û Hêvî Hamî nobete dewr girewte.

Vervatoxa kome Fadîla Mohamed eşkerayîyêke daye û vat: ''Rayberê ma 24 serrî yo binê tecrîdêkê giranî de yo. Heta Rayberê ma azad bibo na çalakîye do dewam bikera. Dewleta tirke ha hêrişê Rojawanî kena û barbarîye kena. No şer şerê mendiş û mergî yo. La dinya vera nê şerî bêveng a. Şarê Rojawanî vera DAÎŞî şerêko pîl kerdbi û pêro dinya xoverdayîşê ci dîbî.

Nika dewleta tirke xîret kena ke şarê ma çin bikera. Ewropa vera kerdişanê dewleta tirke û vera tecrîdî bêveng a. Ma qetî ney qebul nêkenê. Ma venga şarê xo danê ke hînî bes o. Xoverdayîşê Rayberê ma xoverdayîşê ma yo.''