Partîya Komunîste ya Fransa (PCF) ya Parlamentoyê Fransa keyepelê xo yê înternetî de, vera bazirganîya serê kurdan a kombîyayîşê NATOyî nêrazîbîyayîşê xo mojna û vat: ''Bazarî û hesabanê serê kurdan ra fek vera bidê.''

PCFyî vat: ''Zulmkarê Anqara her keso ke şîdetê ci yê despotîkî red keno, sey terorîstî name keno û serekanê Ewropa ra zî ney paweno.''

PCFyî wedaritişê ambargoyê çekan ê vera Tirkîya û gefê îşxalî yê vera Rojawanî vist vîrî û vat: ''Erdogan wazeno şerê Rûsya-Ukrayna bişuxilno û binê bêvengîya medya de sûcanê neweyan bikero. Emmanuel Macron zî sey serekanê bînan ê welatanê Ewropa vera ney bêveng mendo. Ganî Yewîya Ewropa vengê xo berz bikera û vera hêrişanê îşxalî yê Tirkîya vejîya.

PCF hêrişanê îşxalî yê Tirkîya şermezar keno û paştî dano hêzanê demokratîkan ê Tirkîya û Rojawanî. Ganî Fransa  bazarîyanê NATOyî ra xo bixelisna û komelanê olîgarşîkan şermezar bikera.''