Hemserekanê Merkezê Komelê Demokratîkî yê Kurdan ê Duisbergî ewro eşkerayîyêka nuştekîye weşanaye û bala ante ser ke polîsanê almanan eşt bînaya merkezî ser.

Eşkerayîye de wina ame vatene: "Polîsan dima ke ber şikit kilîto newe da piro û ma rê notêk verda ke ma şorê mefteyê ci bigêrê."

Eşkerayîye wina dewam kena: 

"Ma zanenê ke no sereştişêko normal nîyo. Ma vana qey reya verêne Almanya de serebûtêko winasên qewimîyeno. Polîsan notê xo de vat ke înan bi îtfaîyayan ber şikit û dekewtî zere. La ber de rêçê derbî çin o, seke çewî destê xo nêda ci. Seke mefteyê înan estbi û bi nê hawayî dekewtê zere."

 Merkezê Komelê Demokratîkî yê Kurdan yê Duisburgî nê çîyî persayî polîsan:

"Polîsan senî ber akerd?

Armancê polîsan çita bi? Zereyî ra çi girewt û tede çita verda?

Ma mîyanê  komployêkê senînî de yê?"