Rayraşîyayîşo Derg ê azadîya Ocalanî 8’ê Êlule de Bonn de dest pêkeno

Rayraşîyayîşo  Derg o ke ciwanê Kurdî bi waştişê azadîya Rayberê Şarê Kurdî Abdullah Ocalanî virazenê, emser 8’ê Êlule de do bajarê Bonnî yê Almanya de bêro destpêkerdene.

Rayraşîyayîşo Derg o ke her serre bi hawayêkê tradîsyonkîyî semedê azadîya Ocalanî yeno viraştene, emser do bajarê Bonnî yê Almanya de bêro destpêkerdene.

Rayraşîyayîşo ke do bi slogana‚‘Bi Rayberîye rayra şire, kolonyalîzmî  çîn bike‘ bêro viraştene do çar peranê Ewropa ra ciwanê Kurdî û enternasyonalîstî tewrê ci bibê. Ciwanê verê çalakîye do Merkezê Cimatê Kurdan ê Demokratîkî yê Bonnî de bêrê pêser. Komîteya Amadekarîye da zanayene ke amadekarîya înan kewte merhaleya peynêne û  ard ziwan ke do dimayê têhetameyîşê 8’ê Êlule rayraşîyeyîşê roja verêne 9’ê Êlule de mabênê Bonn û Troîsdorfî de bêro viraştene. 10’ê Êlule de Troîsdor ra ver bi Koln û 11’ê Êlule de Koln ra ver bi Leverkusenî û roja bîne zî ver bi Dusseldorf û ca ra zî 13’ê Êlule de ver bi Monchengladbachî rayra şirê û her şewe zî bajaranê ke tede do bimanê de aktîvîteyêk virazê.