Maratonê weçînayîşê Parlamentoya Ewropayê (PE) ewro Hollanda û Îngîlîstanî de bi raydayîş dest pêkeno. Welatanê sey Almanya û Fransa yê Yewîya Ewropa yê ke nufusê înan sixlat ê sindoqî do roja Yewşeme bêro ronayene.

PE de semedê nufusê zêdeyî ra 96 kursîye Almanya de estê û çimî partîyanê muxalîfan ra serê Partîya Çegire ser o yê. Weçînayîşê 2014 de grubanê PE yê Partîya Çepgire 7 parlementerî vetîbî. Partîya Çepgire na dolime 22 endamî mojnayî û namzedê serê lîste zî Ozelam Alev Demîrele û Martîn Schîrdewan ê.

Demîrele vat, kesê ke heqê înan ê raydayîşî esto ganî bi qetî şorê serê sindoqan , raya xo bidê û vat, “Merdimê ke weçînayîşê PE de eşkenê raye bidê ganî bizanê ke raydarîşê rayan zaf muhîm o. Bitaybetî no wexto ke nîijatperestî û neteweperwerî zêde bîya, weçînayîş muhîm o û ganî şorê serê sindoqan û rayanê xo bidê partîyanê ke hetanê heqanê merdiman û têduştîya şaran wazenê .”