Kurdî û dostê înan Meydanê Bantorget Norraye de amey têhet, Şorişê Rojawanî rê wayîr vejîyayî û seba ke dewleta tirke û Îranî şermezar bikerê bi slogananê “Îşxalkerî şîdet o, bi rihê têkoşînê Hevrîne vera faşîzmî xo ver bide” rayraşîyayîş û mîtîngêk ame kerdene.

Nameyê Meclîsê Cinîyan ê Amara ser o qiseykerdiş ame kerdene û ame vatene ke dewleta tirke seba ke sîstemê femînîst, ekolojîk, dadmen û têduştîwazîye meydan ra wedarna galê bi Rojawanî kena.Qiseykerdişan de ame vatene ke îşxalê dewleta tirke şîdet o û venga pêro şaranê dinya dayîya ke seba pawitişê Şorişê Rojawanî vera îşxalê tirkan vinderê.Reyna ame vatene ke Rojhelatê Kurdîstanî de vera dewleta  Îranî cinîyê kurdan bereyî bi têkoşînê demokrasî û azadîye rê kenê.

Cinîyanê Bolîvya: Cinîyê kurdan bîyê îlham

Partîya Dadmendîye ra sosyalîstan yew peyamê paştgîrîye erşawit ke ê teda û galanê Tirkîya û Îranî şermezar kenê û dîyar kerd ke ê do dewam bikê û paştî bidê şaranê Tirkîya û Kurdîstanî. 3 cinîyanê cayîyan ê Bolîvya bi alayanê xo paştî daye cinîyanê kurdan û vat: “Cinîyê kurdanê ke Rojawanî de vera cerganê DAÎŞî û îşxalê tirkan xo ver danê, cinîyanê dinya rê bîyê îlham, ma têkoşînê înan selam kenê. Şarê cayî yê Bolîvya û Kurdîstanî vera faşîzmî û diktatorîye xo ver danê.” Temsîlkara partîya Feminist Insiyatifî îşxalkerîya Tirkîya ya vera Vakurê Sûrîye şermezar kerde. Temsîlkara partîya Feminist Insiyatifî ard ziwan ke ê paştîya cinîyan û şaran de yê ke bereyîya Şorişê Rojawanî kenê.

Nameyê Platformê Demokratîkî yê Îranî ser o qiseykerdişî amey kerdene û ame vatene ke Îran û Rojhelatî de vera îşkence û teberkerdişî şarî serewedarenê. Qiseykerdişî ra dima girse ver bi Meydanê Norrmalstorgî ray ra şî. Sloganê “Rojawan û Rojhelatî rê paştgîrîye,” “destê xo yê gonînan kurdan ser o biance,” “Artêşa tirke Kurdîstanî ra bitewezîye,” “cinî, cuye, azadî, “bimiro rejîmê îslamî yê Îranî,” “biciwîyo YPG, YPJ” amey vatene.  Çalakî hetê Meclîsê Cinîyan ê Amara, Feminist Rise up for Rojava, RONAK, Komîsyonê Cinîyan ê Kongreya Neteweyî ya Kurdîstanî, Partîya Damendî-Sosyalîst, Komîteyê Vakurî, Komîteyê Rojawanî û Însîyatîfê Femînîstî ra ameye serûberkerdene.