Bajarê Strasbourgî yê Fransa de 1ê kanûne de Înîsîyatîfê Ocalanî rê Azadîye bi şîarê 'Azadîye do ser bikewo-semedê Ocalanî têbigêrê' çalakîye daye destpêkerdene. Endamanê têgêrayîşê cinîyan ê TJK-E yê ke ewro çalakîye dewr girewte, Meydanê Republique ra heta verê Konseya Ewropa rayra şîyî.

Çalakîye de bi pankart û sloganan bale ameye ser antene ke Raybarê Şarê Kurdî Abdullah Ocalan 23 serrî yo Îmrali de binê tecrîdê xorî de yo û azadîya ci ameye waştene.Cinîyan bi fîtîkan çalakîya vengvetişî kerde û verê Konseya Ewropa de çalakîya ronişiştî kerde.

Çalakîya ke çarçewa Hemleya Dem Demê Azadîye yo de bi waştişê wedaritişê tecrîdê serê Abdullah Ocalanî yena kerdene hetê grûbanê cîya cîyayan ra yena rayraberdene. Çalakîye do 17ê kanûne de biqedîyo.