Kurdan şaristanê Aurichî yê Almanya de û banlîyoyê Evryî yê  paytextê Fransa Paris de seba wedaritişê tecrîdê vera Rayberê Şarê Kurdî Abdullah Ocalanî çalakîyî kerdî.

Aurich de rayberîya Meclîsê Cinîyan ê Şehîde Zelale de tecrîdê vera Rayberê Şarê Kurdî Abdullah Ocalanî pê çalakîyêke ame şermezarkerdene.

Çalakîkeran waşt ke wa cade Îmraliyî reyde pêvînayîş bêro kerdene.Çalakîye de ame vatene ke Rayberê Şarê Kurdî Abdullah Ocalan mîmarê cuya azad o.

Banlîyoyê Evryî yê Parisî de seba wedaritişê tecrîdê vera Rayberê Şarê Kurdî abdullah Ocalanî Neteweyanê Yewbîyayeyan rê mektubî erşawiyayî.

Eşkerayîya erşawitişê mektuban de ame vatene ke heta ke Abdullah Ocalan azad bibo kurdî do çalakîyanê xo rê dewam bikerê.