Kolnê Almanya de TEV-ÇAND û Kevana Zêrîne seba paştdayîşê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' ameyî têhet û aktîvîteyêke kerde. Xeylêk hunermendê sey Hozan Şemdîn, Amele, Mistefa Lala, Beser Şahîn, Diyar, Bermal Çem, Comerd, Dilovan, Hekîm Sefkan, Sînan Hezer, Zahîr Loran, Şeyda û Memedê Hezexî tewrê aktîvîte bîyî.

Aktîvîte de hêverî eşkerayîya hempare ameye wendene û tede ame vatene ke tecrîdê vera Rayberê Şarê Kurdî Ocalanî nêno qebulkerdene. Eşkerayîye de dîya zanayene ke vera tecrîdî înan dest pê kampanyaya 'Seba Azadîya Ocalanî' ya  kultur û hunerî kerd.

Peymane Arjîn nameyê hunermendan ser o qisey kerd û ard ziwan ke seba azadîya Rayberê Şarê Kurdî ê xo ver danê.

Hemsereka KCDK-E Zubeyde Zumrut aktîvîte de îfade kerd ke wedaritişê tecrîdê Îmraliyî erkê pêro kurdan o.

Aktîvîte de hunermendan deyîrî vatî û tabloyê Amele, Rêbwar Perwîzî, Sînan Hezer, Hamît Aydin, Ayten Kaplan, Gulan Kiliçoglu, Ercan Altuntaş û Murat Îpekî ameyî mojnayene.

Aktîvîte bi merşê 'Çerxa Şoreşê' qedîyaye.