Şaristananê Almanya de bi wesîleya 8ê Gulane Roja Xelisîyayîşê Almanya  kurdîstanijan, tirkîyayîjan û çepgîranê almanan pîya vera faşîzm û kanwazîye çalakîyê rayraşîyayîşî yê hemparî kerdî.

Berlin

Çalakîya Berlinî de zêdîyayîşê serebîtanê rastgîran ameyî protestokerdene û qurbanê Qirkerdişê Hanauyî ameyî yadkerdene. Kurdî mîyanê grûba Nav-Berlin, Meclîsê Cinîyan ê Dest-Danî, TCŞ, TÊKO JIN, YXKî de tewrê çalakîye bîyî û polîtîkaya krîmînalîzekerdişî ya Almanya şermezar kerde. Çalakîye pê konserêk qedîyaye.

Kassel

Kurdî binê sîwana NCDK, Women Defend Rojava de tewrê çalakîye bîyî û înan pare kerd ke Tirkîya sey nazîyan kurdan qir kena û ewro Efrîn de îşxalê ci dewam keno. Çalakîye pê çepikan û sloganan qedîyaye.

Dusseldorf

Şaristan de vengdayîşê Rote Hilfe, VVN-BDA, Hetkarîya Sûre, Yewîya Antîfaşîste, Yewîya Hêzî ya Demokratîke, FED MED û YJK-E ser o bi hezaran kesan çalakîya rayraşîyayîşî kerde. Çalakîye de polîtîkaya krîmînalîzekerdişê kurdan a Almanya û îşxalê Efrînî ameyî şermezarkerdene.