Parlamenter Marcus Wîechelî pêşnîyazêko nuşte pêşkêşê parlamento kerd û waşt ke seba  cigêrayîşê eleqeyê Tirkîya û welatanê bînanê ke hetkarîya DAÎŞ'î kenî, Swêd bi însîyatîf têbigêre ke koalîsyonêkê mîyanneteweyî bêro sazkerdene.

Wîechelî vist vîrî ke Tirkîya de binizamî tedaya hindekîyan û fikranê cîyayan rê yena kerdene û va: "Tirkîya bi îşxalkerdişê welatan ê cîranan huqûqo mîyanneteweyî binpay kena û têgêrayîşê aye Sûrîye de têgêrayîşê emperyalîzmî yê."

Wîechelî da zanayene ke şerê zereyî yê Sûrîye de eleqeyê dewleta Tirkî bi çeteyanê DAÎŞ'î rê eşkera bîyo û va: ‘‘Cîhadperestê xerîbî seba ke beşdarê xalîfet û rêxistinanê teror ê Sûrîye bibê Tirkîya sey welatêko transît xebitnenê û oyo tewr girîng zî Kurd û sivîlê ke DAÎŞ'î rê remayê sînorê Tirkîya de ameyî vindernene. Hêzanê asayîşê sînorî fîşekî înan rê eştî. DAÎŞ'î petrol û çîyê bînî rotî Tirkîya ke no çimeyo bingeyên ê ameye yê rêxistina terorî bi.