Verba tehdîtanê îşxalkarîye ya dewleta Tirkî yê verba Vakur û Rojakewtena Sûrîye wextêkî ra nata Almanya de nêrazîbîyayîş estbi. Partîya muxalefetî ya sey Partîya Çepe û Keskan, bi hewayêkê cidî dewleta Tirkî hişyar kerde û waşt ke ambargoya çekan rejîmê Erdoganî rê bêra kerdene.

Selahîyetdaranê Hukmato Federalî bi serekwezaretîya Angela Merkel heta nika eşkerayîya zelale parbe nêkerdibi, têna vervatoxanê hukmatî kombîyayîşanê çapemenîye de key derheqê babete de pirs ameyêne, qisey kerdêne. Labelê na reye payeberzêke dewleta Tirkî hişyar kerde. Wezîra Pawitişî Annegret Kramp Karrenbauera ke Malî de zîyaretê leşkeran ê Almanî kerd, veng da Enqere ke hayîya gamanê xo bibe ke herême de benê sebebê bêaramîye. Ajansê Xeberan ê Fransa (AFP) parbe kerd ke Karrenbauere seba Tirkîya vat, "Ma partnera xo NATO ra hêvî kenê ke herinda gamanê ke aramîye ya herême xeripnenê, gamanê ke aramîye kenê xurtêr bierze."