Zîlane (Zeynap Kinaci) bi çalakîya xo ya vera komplokarîya mîyanneteweyîye ya teşebusê suyîqestî yê 6ê gulan a 1996î yê vera Ocalanî û vera operasyonanê îmhakerdişî yê dişmenî yê vera gerîlayan tarîx nûşt.

Serra 1996î de dewleta tirke topyekun hêrişê kurdan kerdêne. Heme polîtîkayê îmha û înkarî dewrê di bî û operasyonê leşkerî û sîyasî ameyêne kerdene. 6ê gulane 1996î de ekîbê Tansu Çîler û Dogan Guneşî semedê îmhakerdişê Rayberê Şarê Kurdî Abdullah Ocalanî komployêk viste dewre. Hedef sere de Ocalan îmhakerdişê têgêrayîşê azadîye yê kurdan bi.

Zîlana ke bi zanayîşê berpirsîyarîya tarîxî nizîdîyê reşwe bîye  seba ke mesajê aya bireso cayê ci  Dêrsim sey cayê çalakî  vîjna ke  raştê qirkerdişan ameyo la tim sereberz û xoverdayox o.

30ê hazîrana 1996î de Zîlane  Dêrsim de bedenê xo kerde bomba û mîyanê leşkeranê tirkan de teqna. Çalakîya fedaîye de bi desan leşkerî merdî û bidesan zî birîdar bîyî.

Zîlane Bi çalakîya xo ya fedaîye dewrêko newe da destpêkerdene û bîye sembolê xoverdayîşê cinîyan ê kurdan. Ewro koyanê Kurdîstan de bi desan Zîlanî estê û dayîkî seba ke kênayê înan zî sey Zîlane jîhat bê nameyê aye nanê pa.

Zîlane bi çalakîya xo ya Dêrsimî ke sey şerwanêka azadîye ya cinî viraşte, tarîxê kurdan de bîye cewabêko tewr bitesîr ê cinîyan ê hemverê terteleyê Dêrsimî ke serra 1938 de ame kerdene.

Zîlane nameyê xo ke bêmergîya xo ya dima verda de derheqê cuya de nê vatêne :

''Ez serra 1972î de merkezê Meletî de dadîya xo ra bîya. Nameyê Mi Zeynepe Kinaci ya. Mi Meletî de Zanîngehê Înonuyî de beşê rayberî û şêwirmendîya psîkolojîke wend. Verî ke ez beşdara têgêrayîşê neteweyî biba mi nêweşxaneyê Meletî de sey teknîsyenêka rontgenî xebitîyaya.Ez zewijîyaye ya û mêrdeyê mi dwqa Xiliyanî ya qezaya Egîlî ya Amedî ra yo. O zî heman beşê mi ra mezûn bîyo. Mêrdeyê mi zimistanê 1995î de wexto ke xebata ''cephe'' kerdêne esîr kewt destê dişmenî. Wexto ke mi lîse de wendêne fikrê kurdayetîye tesîrê mi kerd. Wexto ke mi zanîngeh de wendêne fikrê min ê seba çepgîrîye zêdîyaye û nêzdîya PKKyî bîya. Keyeyê mi hîsê kurdperwerîye pawitêne. O çax herêma ma de welatperwerî newe ra rêxistin bîyayêne. Wexto ke fikrê mi xurt û zelal bi ez tewra têkoşînî bîya.

Serra 1994î de şaristanê Adana de mi ''Cephe'' de dest pê xebate kerd. Qasê serrêke mi xebata xo dewam kerde. Ez perwerdeyêkê cidî ra derbaz bîya. Serra 1995î de herêma Dêrsimî de ez beşdara ARGKyî bîya. ARGK de mi cuya xo serî ra heta binî çimanê xo ra derbaz kerde û kesayetê xo nas kerd. Kesayetê mi de serwextî û famkerdiş aver şîyî. Ez eşkena vaja ke hetê îdî, qerardarî, moral, zelalî û zanayîşî ra ez hêzêr bîya û aver şîya.''

Rayberê Şarê Kurdî Abdullah Ocalanî derheqê Zîlane û çalakîya ci de wina vatêne:

''Tarîxê PKKyî de çalakîya tewr netîcedar a. Zîlane pê kesayetê xo yê şerker û çêrî bîya fermandar. Zîlane kesayetîya sembola serfîrazî ya. Zîlane nameyê yewîya cuye ya pîle yan zî yewkerdişê serfîrazî û eşqî ya. Zîlane ganîbîyayîşê tarîx û cinîyan a. Zîlane manîfesto ya.''