Dewa Sorekî ya qezaya Mazgêrdî ya Dêrsimî de ciwanan bire daye ke mengêke de rayêk çopan arê bidê. Ciwanan waşt ke bi nê hawayî hişmendîya xoza aver berê. Ciwanan dima dewe de çopî arê dayî.

Ciwanan ra Bulent Buluçî vat: ''Plastîkî, îzmarîtî ûsn zerar danê xoza. Dêrsim de meseleya tewr pîle qirkerdişê xoza yo. Ma waşt ke dewa xo de wina yew hîşmendîye awan bikerê. Wa şar zî çopê xo nêerzo war. Şarê Dêrsimî wayîrê bawerîyêka ekolojîk o. Ma do xebatanê winasênan dewam bikerê.''