Roniştoxê dewa Zaxge ya merkezê Dêrsimî serê mayînanê dewleta tirke de kenê ke cuya xo ya rojane rê dewam bikerê. Roniştoxanê dewe waşt ke wa dewe mayînan ra bêrê pakîkerdene.

Dewijan rê Hidir Yildizî CAN TVyî rê qisey kerd û pare kerd ke mayînan ra dewijî nêeşkenê şorê ware, mezra û waranê bînan ê dewe. Yildizî vat: ''Dewa ma 1994 de ameye vengkerdene û tay herêmî ameyî mayînkerdene. Polîtîkayanê asayîşî yê dewlete ra dewa ma zî parê xo girewt. Sey herêmanê bînan ê Kurdîstanî dewa ma zî pê mayînan dekerde ya. Dewijî wazenê dewe zîret bikerê, heywankarîye bikerê la binê nameyê tedbîranê asayîşî de hem qereqol û kalekolî est ê.

Ma nêeşkenê şorê waranê xo. Ma şorê zî yenê tehdîtkerdene, astengkerdene. Herême mayînan ra nêna pakîkerdene. Ma hînî wazenê dewa xo ra bi serbestî bigêra.''