Hêzanê PDKyî sivîlî dayî guleyan ver: Kesêk kişîya

Ame parekerdene ke hêzanê PDKyî Şêladizê de sivîlî dayî bombayan ver û kesêk kişt.

Goreyê xebera Rojnewsî hêzanê çekdaran ê PDKyî Gelîya Balindî ya Şêladizê de guleyî varnayî kesê bi nameyê Dîyar Tayîp Rêkanî û kesê nenasî ser.

Dîya zanayene ke hêriş şewa 26ê teşrîna verêne de ame kerdene. Sivîlê ke ameyî noqtaya kontrolî ya pawitoxanê sînorî înan ser o guleyî ameyî varnayene.

Hêriş de eşîra Rêkanî ra Dîyar Tayîp kişîya la embazê ey ra agahîyêke çin a. Ame parekerdene ke Wezîr Rêkanî pêşmerge yo û semedê heywananê xo şîyo Gelîya Balindê. PDKyî nêverda ke keyeyê Rêkanî xeyma serweşîye rono.

Keyepelê facebookî yê bi nameyê Meclîsê Ciwanan ê Şêladizê de no mesaj ame parekerdene: ''Ma nê hêrişan qebul nêkenê û şermezar kenê. Ganî bizanîyo ke nê hêrişê asayîşê PDKyî do bêcewab nêmano.''