Şîrketa Bîngol Metal Madencîlîkî wazena ke dewa Arixî ya qezaya Gêxî ya Çewlîgî de madenê çînkoyî abikera. Wezîrîya Dorme, Şaristanan û Îklîmî raporê ÇEDî yo pozîtîf da projeyê madenî.  La Avûkat Bariş Yildirimî seba betalbîyayîşê raporî muracatê Mehkemeya Îdarî ya Erziromî kerd.

Mehkeme muracatê avûkatî ser o wezîrîye ra pawitişê ci waşt. Mehkeme waşt ke wa wezîrîye sebebanê raporê pozîtîfî eşkera bikera, pêro dokumentanê serê projeyî bierşawa, qeydê kombîyayîşê roniştoxanê herême û ercnayîşê dezgehan ê serê raporê ÇEDî zî bierşawa mehkeme.