Bi mîlyonan maseyanê Wanî seba ke hakanê xo awa bi soda ya Gola Wanî ra biverdê  awa şîrine dest pê raywanîyêka efsûnîye kerd. Nê maseyî 15ê nîsane ra heta 15ê temmuze raywanîye kenê ke na raywanîyêka tewr sixletîye ya gandaran a.

Koç zafêr mabênê gulane û hezîrane de yeno kerdene. Maseyê Wanî pêro emrê xo de mîyanê awa bi soda ya Gola Wanî de dewam kenê û dima zî verê xo danê çemanê Gola Wanî.

Wextê koç û raywanîye de xeylêk astengîyî vejîyenê verê maseyan. Maseyê kefalî seba ke hakanê xo bierzê awe perenê û bi nê hawayî wazenê astengîyanê verê xo derbaz bikerê. Maseyî dima ke hakanê xo verdenê awe agêrenê Gola Wanî.

Nê tewirê kefalî pêro dinya ser de tena Gola Wanî de est ê û wextê koç û raywanîye de benê hedefê qaqlîbaz, mar û seydwanan. Seba ke bi hawayêkê qerebalixî koç kenê maseyî ge ge awa nizme de mirenê. Koçê maseyan dîmenanê weşan afernenê. Seba ke nê dîmenan bivînê bi hezara merdimî verê xo danê Wanî.