YNKyî vera hêrişanê dewleta tirke vena NY û Bexdadî da
Koma Yewîya Niştimanî ya Kurdîstanî (YNK) ya Parlamentoya Iraqî venga hukmatê Iraqî û Konseya Asayîşî ya Neteweyanê Yewbîyayeyan (NY) da ke wa hêrişanê dewleta tirke vindarnê.
Koma Yewîya Niştimanî ya Kurdîstanî (YNK) ya Parlamentoya Iraqî derheqê hêrişanê dewleta tirke de venga Parlamentoya Iraqî, hukmat, Serekkomarî û Konseya Asayîşî ya Neteweyanê Yewbîyayeyan da.
YNKyî waşt ke huqûqnasanê mîyanneteweyîyan reyde komîteyêke bêra awankerdene û mehkemeyanê neteweyîyan rê gerreyê dewleta tirke bêro kerdene. YNKyî waşt ke zerarê bombardumanî bêro tazmînkerdene.
YNKyî venga hukmatê Iraqî, Wezîrê Karanê Teberî yê Iraqî û Konseya Asayîşî ya Neteweyanê Yewbîyayeyan (NY) da ke wa hêrişanê dewleta tirke vindarnê.
YNKyî derheqê hêrişê 25ê hezîrane de wina vat: ''Heyfo ke nê hêrişî de tay turîstî şehîd û birîndar bîyî. No binpaykerdişê serwerîya erdê Iraqî yo.''
