Endama Komîsyonê Ekolojîyî yê HDPyî Prof. Dr. Beyza Ustune eleqe ante şewatanê Dêrsimî ser û wina va: "Şewatê daristanê Dêrsimî sey leteyêkê şerî, bi destê dewletî ame vetene. Waştişê dewlete sermaye rê cayê neweyan akerdiş o. Sey Cîzîr û Sûrî wazenê ke demografîya Kurdîstanî bibedilnî."

Ustune viste vîr ke şewatê daristanan Kurdîstan de serranê 1990î de dest pêkerdo û temmuza 2015î de Cudî de reyna daristanî ameyî veşnayene û esasê xwe de no destpêkerdişê yew şerî bi.

‘ŞARÊ ROJAWANÎ GANÎ QEWIMÎYAYÎŞANÊ KURDÎSTANÎ FERQ BIKERO‘

Beyza Ustune wîna dewam kerde: "Dewlete bi polîtîkaya nîjadperestî şarî cêser vistî. Eke şarî bibî yew û paştî bidê yewbînan, eşkenê heme meseleyan çareser bikerê. Ganî yê ke rojawan de cuyenê qewimîyayîşanê Kurdîstanî bi hawayo hol bivînê û bizanê ke nê qetlîamî esasê xo de vera înan de benê."