RIHA

Ame zanayene ke merkez û mehlayanê qezaya Serê Kanî yê Riha de erzîya serê keyeyan, sereştişanê keyeyan de 20 kesî ameyî destbendkerdene.

Kesê ke ameyê destbendkerdene ra êyê ke nameyê înan ameyî zanayene nê yê: endama Meclîsê Şaredarîya Bajarê Pîlî ya Riha Esra Gulere, Cemîle Dagtekîne, Fethî Otken, Mehmet Alî Asan, Veysî Beken, Harun Dagtekîn, Çetîn Îsî, Mizgîn Aslane, Mehmet Ozkan, Mustafa Şahîn û Îbrahîm Polat.     

EDENE

Çarçiwaya tehqîqatêkê Serdozgerîya Komare ya Edene de no serê sibayî polîsan Edene û Amed de bi hawayêkê hemwextî eşt serê xeylî keyeyan. Polîsan vervatoxê Rayberdişê Kongreya Şaran a Demokratîke (HDK) yê Bajarê Edeneyî Olcay Suzgun, hetkarê serekê Partîya Herêmanê Demokratîkan (DBP) ê Bajarê Edeneyî û serekê Komela Cuya Newî ya Edeneyî Hasan Kocaman û serekê Partîya Newe ra Awanbîyayîşî ya Sosyalîste (SYKP) yê Bajarê Edeneyî Mehmet Alî Gulşen destbend kerdî.  

AMED

Hetêna ra erzîya serê keyeyê endamê Meclîsê Partî yê Partîya Şaran a Demokratîke Abdulselam Demîrkiranî ke qezaya Kayapinarî ya Amedî de bi. Ame zanayene polîsanê ke Demîrkan keye de nêdî vat, “Ma bi talîmatê Serdozgerîya Komare ya Edene û Asayîşê Edeneyî ameyî. Abdulselam Demîrkiran ça yo? Îfadeyê ci esto.”