Eşkerayîya nûştekî ya Merkezê Çapemenî û Îrtîbatî (HPG-BÎM) wina ya:

QILÊ KOORDÎNE AME PANAYENE: 3 KIŞTEYÎ

Roja 28ê Teşrîna verêne saet 16.30 de hêzanê ma hemverê artêşa tirkî ya îşxalkare ke qilê Koordîne ya qezaya Çelê ya Colemêrgî de bica bîbî çalakîyêk viraşte. Na çalakîya ke tede mewzîyê dişmenî ameyî hedefgirewtene mewzîyêka dişmenî bi temamî amî îmhakerdene, goreyê tesbîtan 3 leşkerî ameyî kiştene. Çalakîye ra dima artêşa tirkî ya îşxalkare herême raşte raşt bi obus û topanê hewanan bomba kerda.

HÊRIŞÊ HEWAYÎYÎ DE 1 GERÎLAYÎ CUYA XO VINDÎ KERDE

Roja 28ê Teşrîna verêne saet 07.10 de teyareyanê artêşa tirkî ya îşxalkare dormeyê Dereyê Xakurkê ya herêma Xakurkê ke pabesteyê Wareyanê Pawitişî yê Medya ya bomba kerd.

Heman roje mabênê saetanê 17.00 û 18.00 de teyareyanê şerrî Newala Hesena ya pabesteyê herêma Avaşînî bomba kerde. Netîceyê nê bombardûmanî de embazê ma Kurtay Nusaybîn şehîd kewt.

Hayîdarîyê sicîlî yê embazê ma wina yê;

Nameyê Qodî: Kurtay Nusaybîn Name û Peyname: Abdurrazzak Eren Cayê Bîyayîşî: Mêrdîn Maye - Pî: Atîye - Rustem Ca û Tarîxê Şehadetî: 28ê Teşrîna verêne 2018 / Wareyê Pawitişî yê Medya

Kurtayo ke serra 2015 de tewrê sefanê Gerîlayanê Azadîya Kurdistanî bi, her wareyo ke gure kerdêne de bi şexsîyetê xo yê kedkar, fedakar û sadeyî zerrîya hemrayanê xo de ca girewtibi. Şertî çi benê wa bibê timî xo felsefeya Rayberîye de û gerîlakarîye de xorî kerdêne, aver berdêne û seva nê perwerdeyê timîyî esas girewtêne. Hemra Kurtay gama ke cayê tewr peyênî yê xebata xo, Avaşîn, de xebatêka bitesîre ya şorişgêre hemverê artêşa tirkî de kerdêne resa şehadet. Sey hemrayê ê ma soz danê ke ma do beyraqa azadîye ya embazê xo Kurtayî biresnê serkewtiş.