Bi nameyê Yusuf Demîrcîyî de keso ke bi serran o ke koyanê qedexeyan yê Gabarî de şiwanetîye keno, bi no qeyde cinî û 10 domananê xo ra ewnîyeno. Şiwane û cinîya ci Nafîse Demîrcî mesajê ‘ma pawitoxê nê koyan î’ dayî.

Demîrcî vano ‘ez 50 serreyî ya û ez xo zana, nêzana şiwanetîye kena’ û wina domneno: “500 heywanê mi û 200 hebî zî mêşnayê dewijan estî. Ez û 10 domanê xo, ma zafaneyê serre koyan de derbaz kenî. Cuya ma koçerîye zî nîya, cayîye zî nîya. Ma eşkenî vajî ke ma pawitoxê 50 serrane yê Gabar û Cûdî yî.”

Demîrcî dewamê qiseykerdişê xo de vano ‘nameyê dewa ma Cinnet o û na dewe 50 serrî verê ameya veşnayene û veng kerdene’ û wina dewam keno: Verê cû suryanîyî na dewe de cuyayî. O wext tîya de ameyî qetil kerdene yan zî surgunê Ewropa bîyî. Suryanîyan ra dima koyê Gabarî de ti dewe nêverdayî. Yan bîyî qoricî, yan zî koç kerdî.”