Gerîlayê HPGyî Yûnûs Atik (Bahoz Argeş) ke qezaya Hawêlî ya Sêrtî de, operasyonê artêşa tirkî yê 23ê êlule de şehîd kewtbi, merdimanê ci ewro canezeya ey Nêweşxaneyê Dewlete yê Sêrtî ra girewte û berdê memleketê ey Amed de defin kerde.

Polîsan dormeyê goristanê Yenîkoyî girewt binê abluqa û hêrişê şêligî kerd.

Parlamentera HDPyî ya Amedî Salîha Aydenîze, îdarekarê HDPyî yê bajarî û temsîlkarê MEYA-DERî ya pîya xeylê welatijî seba cenaze ameyî pêser. Polîsan destûr nêda şêlig şiro goristan. Naye ser o Aydenîze hêrsê xo arde ziwan û binateyê aye û polîsan de munaqeşeyêk vejîya. Aydenîze dîyar kerde ke şehîd qijê şarî yo û tewrbîyayîşê cenaze zî heqê înan o esasî yo.