Varayîşê vewre vizêr ra şaristananê herême de bitesîr bi. Merkezê Dêrsimî û qezaya ci Pilemorîye de û qezaya Licê ya Amedî de rîyê varayîşê vewrî ra seba ke malim û wendekarî zirar nêvînê perwerdeyî rê 1 roje mabên ame dayene.

Dêrsim de seba cinîyanê diganeyan û hemwelatijanê astengdaran ê ke gureyanê umûmî de xebitênê destûr ame dayene.

Heman wextî de Dêrsim de merkez û qezayanê ci de yew menge ya ke rayîrê 80 dewan girewte yo û ê dewî bêelektrîk ê.

Çewlîg de rîyê varayîşê vewra zafe ra 4 qezayan de seba 1 roje mekteban de perwerdeyî rê mabên ame dayene. Eşkerayîya ke hetê walîtîya Çewlîgî ra amî dayene de vajîya: “ Qezayanê ma Kanîreş, Xorxol, Çêrme û Azarpêrt de heme mektebanê ma yê ewilên û mîyanênan de 08.01.2019 de roja Sêşemeyî seba rojêk perwerdeyî rê mabên ameyo dayene.”

Hetêna ra ame zanayene ke rîyê varayîşê vewra zafe ra rayîrê 281 dewanê Çewlîgî resayîşî rê ameyo girewtene.